گھپلوں میں ایک ایسا بھی گھپلا دکھائی دے
Pagal Adilabadi (1941–2007)گھپلوں میں ایک ایسا بھی گھپلا دکھائی دے
گنجوں کے ہاتھ میں مجھے کنگھا دکھائی دے
واعظ کے گھر میں خود مجھے لفڑا دکھائی دے
گڑ کا پرہیز گلگلے کھانا دکھائی دے
بچے یتیم خانے کے مریل ہیں سب مگر
منشی یتیم خانے کا بھینسا دکھائی دے
نیرنگی حیات کے قربان جائیے
مرغی کے بدلے انڈوں پہ مرغا دکھائی دے
دعوت بغیر کیسے گھسوں جب کہ گیٹ پر
ہاتھوں میں میزبان کے ڈنڈا دکھائی دے
باوا کی جب نماز جنازہ پڑھی گئی
مسجد سے دور بیٹا ٹہلتا دکھائی دے
بیگم کی گود میں مجھے ہر سال اک نہ ایک
منی دکھائی دے کبھی منا دکھائی دے
چہرے پہ جس کے ناک ہے گز بھر کی دوستو
دیکھو جو غور سے اسے نکٹا دکھائی دے
جو تیس مار خاں ہے وہ دادا ہے شہر کا
وہ بھی تو گھر میں جورو سے ڈرتا دکھائی دے
ہے بالغوں کی فلم مگر جا کے دیکھیے
نابالغوں کا حال پہ قبضہ دکھائی دے
سروس کے انتظار میں پاگلؔ کا تھوپڑا
گٹھلی بغیر عام کا چھلکا دکھائی دے
ghaplun mein ek aisa bhi ghapla dikhai de
ganjon ke hath mein mujhe kangha dikhai de
waiz ke ghar mein khud mujhe lafra dikhai de
gur ka parhez gulgale khana dikhai de
bachche yatim khane ke maryal hain sab magar
munshi yatim khane ka bhainsa dikhai de
nairangi-e-hayat ke qurban jaiye
murghi ke badle andon pe margha dikhai de
daawat baghair kaise ghisun jab ke get par
hathon mein mezban ke danda dikhai de
bawa ki jab namaz-e-janaza parhi gai
masjid se dur beta tahalta dikhai de
begam ki god mein mujhe har sal ik na ek
mani dikhai de kabhi mana dikhai de
chehre pe jis ke nak hai gaz bhar ki dosto
dekho jo ghaur se use nakta dikhai de
jo tis mar khan hai wo dada hai shahr ka
wo bhi to ghar mein joru se darta dikhai de
hai balighon ki film magar ja ke dekhiye
nabalighon ka hal pe qabza dikhai de
sarwis ke intizar mein pagal ka thupara
guthli baghair am ka chhalka dikhai de