زمیں لپیٹتا ہے آسماں سمیٹتا ہے

زمیں لپیٹتا ہے آسماں سمیٹتا ہے

کہاں کی بات کو یہ دل کہاں سمیٹتا ہے

حسین رفعتیں تقسیم کرتا ہے اب بھی

یزید آج بھی رسوائیاں سمیٹتا ہے

وہیں پہ گردشیں رک سکتی ہیں زمانے کی

وہ جست بھرتا ہے اور پر جہاں سمیٹتا ہے

اسے بتانا کہ تم جب کہیں بھی ٹوٹتے ہو

تمہاری کرچیاں کوئی یہاں سمیٹتا ہے

کسی میں نادیہؔ جز عشق اتنا ظرف کہاں

ہے کون بکھرے دلوں کو جو یاں سمیٹتا ہے

zamin lapetta hai asman sametta hai

kahan ki bat ko ye dil kahan sametta hai

hasin rifaten taqsim karta hai ab bhi

yazid aj bhi ruswaiyan sametta hai

wahin pe gardishen ruk sakti hain zamane ki

wo jast bharta hai aur par jahan sametta hai

use batana ke tum jab kahin bhi tutte ho

tumhari kirchiyan koi yahan sametta hai

kisi mein nadiya juz ishq itna zarf kahan

hai kaun bikhre dilon ko jo yan sametta hai