کس کا دروازہ کھٹکھٹاتی ہے

کس کا دروازہ کھٹکھٹاتی ہے

دور تک خواہش اڑتی جاتی ہے

دل وہ میرا عجب بہانوں سے

توڑتی ہے کبھی بناتی ہے

جوں ہی ہوتی ہوں گم کہانی میں

تری تصویر ڈھونڈ لاتی ہے

دس محرم کو پیاس کربل کی

مجھ کو ہر بار ہی رلاتی ہے

اپنی زر خیزیاں بڑھانے کو

گیلی مٹی مجھے بلاتی ہے

عشق عنبرؔ وہ بے قراری ہے

لگتی ہے اور بڑھتی جاتی ہے

kis ka darwaza khatkhatati hai

dur tak khwahish urti jati hai

dil wo mera ajab bahanon se

torti hai kabhi banati hai

jun hi hoti hun gum kahani mein

tiri taswir dhund lati hai

das mahram ko pyas karbal ki

mujh ko har bar hi rulati hai

apni zar kheziyan barhane ko

gili mitti mujhe bulati hai

ishq ambar wo be qarari hai

lagti hai aur barhti jati hai