آنکھوں کو اک خواب دکھایا جا سکتا ہے

آنکھوں کو اک خواب دکھایا جا سکتا ہے

قصہ یوسف کا دہرایا جا سکتا ہے

ساری دنیا کو ٹھکرایا جا سکتا ہے

حسن و عشق دعا سے پایا جا سکتا ہے

جو مجھ میں ہو زلیخا تجھ میں یوسف کوئی

عمروں کا سرمایہ لایا جا سکتا ہے

اس کو کہنا مری آنکھوں کے کاسے میں

دید کا اک سکہ تو دکھایا جا سکتا ہے

ناداں اتنا مت سمجھو تم دل کو عنبرؔ

کب یادوں سے اسے بہلایا جا سکتا ہے

ankhon ko ik khwab dikhaya ja sakta hai

qissa yusuf ka dohraya ja sakta hai

sari duniya ko thukraya ja sakta hai

husn-o-ishq dua se paya ja sakta hai

jo mujh mein ho zulekha tujh mein yusuf koi

umron ka sarmaya laya ja sakta hai

us ko kahna miri ankhon ke kase mein

did ka ik sikka to dikhaya ja sakta hai

nadan itna mat samjho tum dil ko ambar

kab yadon se use bahlaya ja sakta hai