ان لبوں کی یاد آئی گل کے مسکرانے سے
Unknownان لبوں کی یاد آئی گل کے مسکرانے سے
زخم دل ابھر آئے پھر بہار آنے سے
جانے تھی گریز ان کو یا کہ شرم محفل میں
رات مجھ سے کترائے وہ نظر ملانے سے
راز جو چھپائے تھے آج سب پہ ظاہر ہیں
کچھ مری کہانی سے کچھ ترے فسانے سے
حال جو ہمارا ہے سب تو ان پہ روشن ہے
پھر بتاؤں کیا ہوگا حال دل سنانے سے
ان کو ہم سے کیا مطلب ہم کو کیا غرض فیاضؔ
ترک عشق کر بیٹھے ہم تو اک زمانے سے
un labon ki yad ai gul ke muskurane se
zakhm-e-dil ubhar ae phir bahar ane se
jane thi gurez un ko ya ke sharm mahfil mein
rat mujh se katrae wo nazar milane se
raz jo chhupae the aj sab pe zahir hain
kuchh miri kahani se kuchh tire fasane se
hal jo hamara hai sab to un pe raushan hai
phir bataun kya hoga hal-e-dil sunane se
un ko ham se kya matlab ham ko kya gharaz fayyaz
tark-e-ishq kar baithe ham to ik zamane se