زمانے میں کہیں دل کو لگانا بھی ضروری تھا

زمانے میں کہیں دل کو لگانا بھی ضروری تھا

غلط کچھ بھی نہیں لیکن چھپانا بھی ضروری تھا

غم دوراں میں ہم کو مسکرانا بھی ضروری تھا

کہ کانٹوں سے ہمیں دامن بچانا بھی ضروری تھا

زمانہ کیا کہے گا یہ نہیں سوچا کبھی ہم نے

جو تھا دل میں ہمارے وہ بتانا بھی ضروری تھا

ہمیں پتھر بھی کھانے تھے ہمیں گالی بھی کھانی تھی

مگر دنیا کو آئینہ دکھانا بھی ضروری تھا

ہمیں ہنستے ہوئے بس دیکھتا تو روٹھ جاتا وہ

ہمیں ہنستے ہوئے آنسو بہانا بھی ضروری تھا

نہ ہم سوئے نہ وہ سوئے نہ آئی نیند دونوں کو

مگر جلتے چراغوں کو بجھانا بھی ضروری تھا

zamane mein kahin dil ko lagana bhi zaruri tha

ghalat kuchh bhi nahin lekin chhupana bhi zaruri tha

gham-e-dauran mein ham ko muskurana bhi zaruri tha

ke kanton se hamen daman bachana bhi zaruri tha

zamana kya kahega ye nahin socha kabhi ham ne

jo tha dil mein hamare wo batana bhi zaruri tha

hamen patthar bhi khane the hamen gali bhi khani thi

magar duniya ko aina dikhana bhi zaruri tha

hamen hanste hue bas dekhta to ruth jata wo

hamen hanste hue ansu bahana bhi zaruri tha

na ham soe na wo soe na ai nind donon ko

magar jalte charaghon ko bujhana bhi zaruri tha