تو نے اپنا جلوہ دکھانے کو جو نقاب منہ سے اٹھا دیا

تو نے اپنا جلوہ دکھانے کو جو نقاب منہ سے اٹھا دیا

وہیں محو حیرت بے خودی مجھے آئنہ سا بنا دیا

وہ جو نقش پا کی طرح رہی تھی نمود اپنے وجود کی

سو کشش نے دامن ناز کی اسے بھی زمیں سے مٹا دیا

رگ و پے میں آگ بھڑک اٹھی پھنکے ہے پڑا یہ سبھی بدن

مجھے ساقیا مئے آتشیں کا یہ جام کیسا پلا دیا

جبھی جا کے مکتب عشق میں سبق مقام فنا لیا

جو لکھا پڑھا تھا نیازؔ نے سو وہ صاف دل سے بھلا دیا

tu ne apna jalwa dikhane ko jo naqab munh se utha diya

wahin mahw-e-hairat-e-be khudi mujhe aina sa bana diya

wo jo naqsh-e-pa ki tarah rahi thi numud apne wajud ki

so kashish ne daman-e-naz ki use bhi zamin se mita diya

rag-o-pe mein ag bharak uthi phinke hai para ye sabhi badan

mujhe saqiya mai-e-atishin ka ye jam kaisa pila diya

jabhi ja ke maktab-e-ishq mein sabaq maqam-e-fana liya

jo likha parha tha niyaz ne so wo saf dil se bhula diya