کوئی دیا سر دوش ہوا جلا دوں گا

کوئی دیا سر دوش ہوا جلا دوں گا

ہوائے شہر ستم کو میں یوں سزا دوں گا

عدو کو اپنے میں اس طرح سے رلا دوں گا

کہ تیر کھا کے سر رزم مسکرا دوں گا

اگر کسی نے مجھے حوصلہ نہیں بخشا

میں اپنے آپ کو خود بڑھ کے حوصلہ دوں گا

جو خود کو حسن کا پیکر سمجھتا رہتا ہے

میں اب کی بار اسے آئنہ دکھا دوں گا

پلٹ کے آئے گا وہ میرے پاس اے نوریؔ

جو درمیاں سے فصیل انا گرا دوں گا

koi diya sar-e-dosh hua jala dunga

hawa-e-shahr-e-sitam ko main yun saza dunga

adu ko apne mein is tarah se rula dunga

ke tir kha ke sar razm muskura dunga

agar kisi ne mujhe hausla nahin bakhsha

main apne ap ko khud barh ke hausla dunga

jo khud ko husn ka paikar samajhta rahta hai

main ab ki bar use aina dikha dunga

palat ke aega wo mere pas ai nuri

jo darmiyan se fasil-e-ana gira dunga