میری آنکھوں کو بخشے ہیں آنسو دل کو داغ الم دے گئے ہیں

میری آنکھوں کو بخشے ہیں آنسو دل کو داغ الم دے گئے ہیں

اس عنایت پہ قربان جاؤں پیار مانگا تھا غم دے گئے ہیں

دینے آئے تھے ہم کو تسلی وہ تسلی تو کیا ہم کو دیتے

توڑ کر کعبۂ دل ہمارا حسرتوں کے صنم دے گئے ہیں

دل تڑپتا ہے فریاد کر کے آنکھ ڈرتی ہے آنسو بہا کے

ایسی الفت سے وہ جاتے جاتے مجھ کو اپنی قسم دے گئے ہیں

مرحبا مے کشوں کا مقدر اب تو پینا عبادت ہے انورؔ

آج رندوں کو پینے کی دعوت واعظ محترم دے گئے ہیں

meri ankhon ko bakhshe hain ansu dil ko dagh-e-alam de gae hain

is inayat pe qurban jaun pyar manga tha gham de gae hain

dene ae the ham ko tasalli wo tasalli to kya ham ko dete

tor kar kaaba-e-dil hamara hasraton ke sanam de gae hain

dil tarapta hai fariyad kar ke ankh darti hai ansu baha ke

aisi ulfat se wo jate jate mujh ko apni qasam de gae hain

marhaba mai kashon ka muqaddar ab to pina ibadat hai anwar

aj rindon ko pine ki daawat waiz mohtaram de gae hain