سحر قریب ہے تاروں کا حال کیا ہوگا

سحر قریب ہے تاروں کا حال کیا ہوگا

اب انتظار کے ماروں کا حال کیا ہوگا

تری نگاہ نے ظالم کبھی ہے یہ سوچا

تری نگاہ کے ماروں کا حال کیا ہوگا

مقابلہ ہے ترے حسن کا بہاروں سے

نہ جانے آج بہاروں کا حال کیا ہوگا

نقاب ان کا الٹنا تو چاہتا ہوں مگر

بگڑ گئے تو نظاروں کا حال کیا ہوگا

مذاق دید ہی صہباؔ اگر بدل جائے

تو زندگی کی بہاروں کا حال کیا ہوگا

sahar qarib hai taron ka hal kya hoga

ab intizar ke maron ka hal kya hoga

tiri nigah ne zalim kabhi hai ye socha

tiri nigah ke maron ka hal kya hoga

muqabla hai tire husn ka baharon se

na jane aj baharon ka hal kya hoga

naqab un ka ulatna to chahta hun magar

bigar gae to nazaron ka hal kya hoga

mazaq-e-did hi sahba agar badal jae

to zindagi ki baharon ka hal kya hoga