کہنا غلط غلط تو چھپانا صحیح صحیح

کہنا غلط غلط تو چھپانا صحیح صحیح

قاصد کہا جو اس نے بتانا صحیح صحیح

یہ صبح صبح چہرے کی رنگت اڑی ہوئی

کل رات تم کہاں تھے بتانا صحیح صحیح

دل لے کے میرا ہاتھ میں کہتے ہیں مجھ سے وہ

کیا لو گے اس کا دام بتانا صحیح صحیح

آنکھیں ملاؤ غیر سے دو ہم کو جام مے

ساقی تمہیں قسم ہے پلانا صحیح صحیح

اے مے فروش بھیڑ ہے تیری دکان پر

گاہک ہیں ہم بھی مال دکھانا صحیح صحیح

ساجدؔ تو جان و دل سے فقط آپ کا ہے بس

کیا آپ بھی ہیں اس کے بتانا صحیح صحیح

kahna ghalat ghalat to chhupana sahih sahih

qasid kaha jo us ne batana sahih sahih

ye subh subh chehre ki rangat uri hui

kal rat tum kahan the batana sahih sahih

dil le ke mera hath mein kahte hain mujh se wo

kya loge us ka dam batana sahih sahih

ankhen milao ghair se do ham ko jam-e-mai

saqi tumhen qasam hai pilana sahih sahih

ai mai farosh bhir hai teri dukan par

gahak hain ham bhi mal dikhana sahih sahih

sajid to jan-o-dil se faqat ap ka hai bas

kya ap bhi hain us ke batana sahih sahih