خدا کے ذکر میں مشغول ہیں جو مست پہاڑ

خدا کے ذکر میں مشغول ہیں جو مست پہاڑ

سمجھ گئے ہیں یقیناً ادائے وقت پہاڑ

ہماری ذات تعجب کی ایک دنیا ہے

کہیں پہ جھیل سمندر کہیں درخت پہاڑ

تمہارے ساتھ دعائیں عطائیں زاد سفر

ہمارے ساتھ مسلسل سراب دشت پہاڑ

خبر ہوا سے ملی ہے تمہاری آمد کی

مگر اسے بھی سمجھتے ہیں اوج بخت پہاڑ

جو چل پڑے تو ٹھہرنے کا پھر جواز نہیں

ہمارے حوصلے فیصلؔ کہ جیسے سخت پہاڑ

khuda ke zikr mein mashghul hain jo mast pahar

samajh gae hain yaqinan ada-e-waqt pahar

hamari zat taajjub ki ek duniya hai

kahin pe jhil samundar kahin darakht pahar

tumhare sath duaen ataen zad-e-safar

hamare sath musalsal sarab-e-dasht pahar

khabar hawa se mili hai tumhari amad ki

magar use bhi samajhte hain auj-e-bakht-e-pahar

jo chal pare to thaharne ka phir juaz nahin

hamare hausle faisal ke jaise sakht pahar