خواہشیں انتظار اور یقین

خواہشیں انتظار اور یقین

وسوسے بے شمار اور یقین

تین ارکان آدمیت کے

عاجزی انکسار اور یقین

اذن رب العلیٰ و راز و نیاز

آپ صدیق و غار اور یقین

راہ دشوار لڑکھڑاتے قدم

دشت حیرت غبار اور یقین

جنگ میں جیت کی ضمانت ہیں

حوصلہ اختیار اور یقین

مستقل عشق کی حمایت میں

لوگ ہم تین چار اور یقین

منزلیں بدگمانیاں وحشت

فاصلہ سنگ و خار اور یقین

منزلوں کا سراغ اور حصول

عشق پر انحصار اور یقین

لیجیے امتحان فیصلؔ کا

کیجیے ایک بار اور یقین

khwahishen intizar aur yaqin

waswase be shumar aur yaqin

tin arkan admiyyat ke

ajizi inkisar aur yaqin

izn-e-rab alala-o-raz-o-niyaz

ap siddiq-o-ghar aur yaqin

rah dushwar larkharate qadam

dasht-e-hairat ghubar aur yaqin

jang mein jit ki zamanat hain

hausla ikhtiyar aur yaqin

mustaqil ishq ki himayat mein

log ham tin char aur yaqin

manzilen badgumaniyan wahshat

fasla sang-o-khar aur yaqin

manzilon ka suragh aur husul

ishq par inhisar aur yaqin

lijiye imtihan faisal ka

kijiye ek bar aur yaqin