مرے درد کی کہانی ترے جور کا فسانہ

مرے درد کی کہانی ترے جور کا فسانہ

ہے لہو ترنگ نغمہ یہ نشاط گیں ترانہ

مرے ہم جلیس پھولو مرے ہم نوا عنادل

تری ٹہنیوں پہ کل تک تھا مرا غریب خانہ

میں مقیم گلستاں ہوں مجھے جانتے نہیں ہو

ابھی چار دن ہوئے ہیں کہ جلا ہے آشیانہ

تو ستم نصیب طائر کہاں جائے گا فضا سے

کہ متاع باغباں اب ہے چمن کا آب و دانہ

بڑی مشکلوں سے دولت یہ لگی ہے ہاتھ تجھ کو

کہیں لٹ نہ جائے پیارے ترا قیمتی خزانہ

نہ تو کف ہے خون میں تر نہ گواہیاں میسر

مرے مہرباں مبارک یہ قتال ماہرانہ

کہو بجلیوں سے جا کر کہ وہ آئیں ضد سے میری

میں رکھوں گا اس چمن میں یہیں اپنا آشیانہ

وہ خزاں کے روز و شب تھے جو بہار سے تھے بہتر

کہ غرض سے بے غرض تھا سحرؔ اپنا دوستانہ

mire dard ki kahani tire jaur ka fasana

hai lahu tarang naghma ye nishat gin tarana

mire ham jalis phulo mire ham nawa anadil

tiri tahniyon pe kal tak tha mira gharib khana

main muqim gulsitan hun mujhe jante nahin ho

abhi char din hue hain ke jala hai ashiyana

tu sitam nasib tair kahan jaega faza se

ke mata-e-baghban ab hai chaman ka ab-o-dana

bari mushkilon se daulat ye lagi hai hath tujh ko

kahin lut na jae pyare tira qimti khazana

na to kaf hai khun mein tar na gawahiyan muyassar

mire mehrban mubarak ye qital mahirana

kaho bijliyon se ja kar ke wo aen zid se meri

main rakhunga is chaman mein yahin apna ashiyana

wo khizan ke roz-o-shab the jo bahar se the behtar

ke gharaz se be gharaz tha sahar apna dostana