سینے میں ارمان کی گنگا آنکھوں میں جمنا کا ہے جل

سینے میں ارمان کی گنگا آنکھوں میں جمنا کا ہے جل

لیکن دل کے تاج محل میں کوئی نہیں ممتاز محل

کس کو بتلائیں کہ کیا ہے جذب دروں احساس وفا

کس کے غم میں نغمۂ دل ہے کس کی ہے تصویر غزل

آہیں آنسو گریہ و حسرت سوز دروں ہنگامۂ وحشت

ان شعلوں میں جو نہ تپا ہو کیا جانے وہ درد بغل

میخانے میں جام بدل دے چاہے مئے گلفام بدل دے

کم از کم اے پیر مغاں تو رسم رواداری نہ بدل

کیا سمجھے وہ نشۂ مے کو کیا جانے زنار قدح کو

تو ہی درد آشام کو ساقی بتلا دے تحدید عمل

رخ کی دھوپ آئینۂ تاباں مار گزیدہ کاکل پیچاں

دل کش روپ اور چاہ زنخداں سب ہیں سحرؔ سامان اجل

sine mein arman ki ganga ankhon mein jamuna ka hai jal

lekin dil ke taj mahal mein koi nahin mumtaz mahal

kis ko batlaen ke kya hai jazb-e-darun ehsas-e-wafa

kis ke gham mein naghma-e-dil hai kis ki hai taswir ghazal

ahen ansu girya-o-hasrat soz-e-darun hangama-e-wahshat

in sholon mein jo na tapa ho kya jane wo dard baghal

maikhane mein jam badal de chahe mai gulfam badal de

kam az kam ai pir-e-mughan to rasm-e-rawadari na badal

kya samjhe wo nasha-e-mai ko kya jane zunnar-e-qadah ko

tu hi dard asham ko saqi batla de tahdid-e-amal

rukh ki dhup aina-e-taban mar gazida kakul pechan

dil kash rup aur chah-e-zanakhdan sab hain sahar saman-e-ajal