مری خطا سے بڑی تیری درگزر ہوگی

مری خطا سے بڑی تیری درگزر ہوگی

تو پھر دعا مری کاہے کو بے اثر ہوگی

یہ میرے دل کے سفر کی ہے کون سی منزل

پتہ نہیں ہے مسافر کو تو خبر ہوگی

نہا کے شب میں ہی گیسو جھٹک کے کھول دئے

تو کس طرح سے مری جان اب سحر ہوگی

خدا دراز کرے عمر تیری زلفوں کی

شب وصال بلا سے جو مختصر ہوگی

جو مجھ سے لینا ہے لے لے متاع فکر و نظر

وگرنہ دنیا بہ کشکول در بدر ہوگی

اٹھے گا شور قیامت بپے گا حشر سحرؔ

جو ان کی گرگ شناسائی معتبر ہوگی

miri khata se bari teri darguzar hogi

to phir dua miri kahe ko be asar hogi

ye mere dil ke safar ki hai kaun si manzil

pata nahin hai musafir ko to khabar hogi

naha ke shab mein hi gesu jhatak ke khol diye

to kis tarah se miri jan ab sahar hogi

khuda daraz kare umr teri zulfon ki

shab-e-wisal bala se jo mukhtasar hogi

jo mujh se lena hai le le mata-e-fikr-o-nazar

wagarna duniya ba kashkol dar badar hogi

uthega shor-e-qayamat bape ga hashr sahar

jo un ki gurg shanasai motabar hogi