کبھی کسی کو جو دیکھا کسی کی بانہوں میں

کبھی کسی کو جو دیکھا کسی کی بانہوں میں

تجھی کو یاد کیا دل نے سرد آہوں میں

اسی امید پہ دنیا کو ہم نے چھوڑ دیا

سکون دل کو ملے گا تری پناہوں میں

بہت حسین تھا بچپن کا وہ زمانہ بھی

کوئی حسین کلی تھی مری نگاہوں میں

کیا تھا تو نے بھی مجھ سے نباہ کا وعدہ

یہ چاند اور ستارے بھی ہیں گواہوں میں

بہت دنوں سے چھپا ہے وہ چاند جانے کہاں

بہت دنوں سے اندھیرا ہے دل کی راہوں میں

عذاب ہجر نہ دے اے خدائے حسن مجھے

مری وفا کو بھی شامل نہ کر گناہوں میں

kabhi kisi ko jo dekha kisi ki banhon mein

tujhi ko yad kiya dil ne sard ahon mein

isi umid pe duniya ko ham ne chhor diya

sukun-e-dil ko milega tiri panahon mein

bahut hasin tha bachpan ka wo zamana bhi

koi hasin kali thi miri nigahon mein

kya tha tu ne bhi mujh se nibah ka waada

ye chand aur sitare bhi hain gawahon mein

bahut dinon se chhupa hai wo chand jane kahan

bahut dinon se andhera hai dil ki rahon mein

azab-e-hijr na de ai khuda-e-husn mujhe

miri wafa ko bhi shamil na kar gunahon mein