غم اتنے اپنے دامن دل سے لپٹ گئے

غم اتنے اپنے دامن دل سے لپٹ گئے

تجھ سے بچھڑ کے ہم کئی قسطوں میں بٹ گئے

کیوں یہ دیار میرے لیے تنگ سا لگا

کیا بات ہے کہ دامن صحرا سمٹ گئے

اس سے کہیں بھی نام تمہارا نہیں ملا

ہم ہر ورق کتاب وفا کے پلٹ گئے

تم غیر سے نبھاؤ وفا ہم کو بھول کر

جاؤ تمہاری راہ سے ہم آج ہٹ گئے

اب جھیلنا پڑے گا عذاب گناہ عشق

اس بت نما خدا کے ارادے پلٹ گئے

جب سے متاع درد ملی مجھ کو اے ظفرؔ

قد میرے سامنے مرے یاروں کے گھٹ گئے

gham itne apne daman-e-dil se lipat gae

tujh se bichhar ke ham kai qiston mein bat gae

kyun ye dayar mere liye tang sa laga

kya bat hai ke daman-e-sahra simat gae

us se kahin bhi nam tumhara nahin mila

ham har waraq kitab-e-wafa ke palat gae

tum ghair se nibhao wafa ham ko bhul kar

jao tumhari rah se ham aj hat gae

ab jhelna parega azab-e-gunah-e-ishq

us but numa khuda ke irade palat gae

jab se mata-e-dard mili mujh ko ai zafar

qad mere samne mire yaron ke ghut gae