کس قدر خوش نصیب ہوتے ہیں

کس قدر خوش نصیب ہوتے ہیں

جو شریف و نجیب ہوتے ہیں

کیا نہیں ہوتے قابل عزت

دہر میں جو غریب ہوتے ہیں

بے خرد دوستوں سے تو بہتر

ہاں رقیب لبیب ہوتے ہیں

در پہ اب سائلوں کی دستک سے

صد پریشاں مجیب ہوتے ہیں

جان لیتے ہیں جو مریضوں کی

کیا وہ قاتل طبیب ہوتے ہیں

کیوں محبت کی راہ میں ہی سدا

غم ہی پیہم نصیب ہوتے ہیں

لوگ بس ان کو تکتے رہتے ہیں

ظاہراً جو شبیب ہوتے ہیں

سرفرازی انہیں کو ملتی ہے

وہ جو اہل شکیب ہوتے ہیں

دور رہ کر بھی ظاہراً کچھ لوگ

دل کے بے حد قریب ہوتے ہیں

گلستان ادب میں اے نوریؔ

نغمہ خواں بس ادیب ہوتے ہیں

kis qadar khush nasib hote hain

jo sharif-o-najib hote hain

kya nahin hote qabil-e-izzat

dahr mein jo gharib hote hain

be khirad doston se to behtar

han raqib-e-labib hote hain

dar pe ab sailon ki dastak se

sad pareshan mujib hote hain

jan lete hain jo marizon ki

kya wo qatil tabib hote hain

kyun mohabbat ki rah mein hi sada

gham hi paiham nasib hote hain

log bas un ko takte rahte hain

zahiran jo shabeb hote hain

sarfarazi unhen ko milti hai

wo jo ahl-e-shakeb hote hain

dur rah kar bhi zahiran kuchh log

dil ke be had qarib hote hain

gulistan adab mein ai nuri

naghma khwan bas adib hote hain