آ گیا یاد خدا آخر کار

آ گیا یاد خدا آخر کار

اٹھ گیا دست دعا آخر کار

ہم کہ تھے سرکش و مغرور بہت

سر جھکانا ہی پڑا آخر کار

کان سے جو نہ سنا تھا پہلے

آنکھ سے دیکھ لیا آخر کار

دل میں اب کوئی تمنا نہ رہی

بجھ گیا یہ بھی دیا آخر کار

آئے جس کے بھی قدم دھرتی پر

ایک دن مر ہی گیا آخر کار

a gaya yad-e-khuda akhir kar

uth gaya dast-e-dua akhir kar

ham ke the sarkash-o-maghrur bahut

sar jhukana hi para akhir kar

kan se jo na suna tha pahle

ankh se dekh liya akhir kar

dil mein ab koi tamanna na rahi

bujh gaya ye bhi diya akhir kar

ae jis ke bhi qadam dharti par

ek din mar hi gaya akhir kar