ہوتا ہر قید سے آزاد تو اچھا ہوتا

ہوتا ہر قید سے آزاد تو اچھا ہوتا

کاش میں پیڑ سے ٹوٹا ہوا پتا ہوتا

وہ ہے بس ایک سراب اس کا تعاقب نہ کرو

ابر ہوتا تو کہیں ٹوٹ کے برسا ہوتا

چاند بن کر ہے تو محتاج ضیائے خورشید

شمع بنتا تو کسی گھر کا اجالا ہوتا

چھین لیں مجھ سے اجالوں نے تری یادیں بھی

اس سے بہتر تھا کہ دنیا میں اندھیرا ہوتا

نہ سہی میرے لیے سعیٔ مداوا نہ سہی

کم سے کم تم نے مرا حال تو پوچھا ہوتا

hota har qaid se azad to achchha hota

kash main per se tuta hua patta hota

wo hai bas ek sarab us ka taaqub na karo

abr hota to kahin tut ke barsa hota

chand ban kar hai to mohtaj-e-ziya-e-khurshid

shama banta to kisi ghar ka ujala hota

chhin len mujh se ujalon ne tiri yaden bhi

is se behtar tha ke duniya mein andhera hota

na sahi mere liye sai-e-mudawa na sahi

kam se kam tum ne mira hal to puchha hota