باڑھ آئی گاؤں کو دریا بہا کر لے گیا

باڑھ آئی گاؤں کو دریا بہا کر لے گیا

ایک پیاسا دوسرے پیاسے کو آ کر لے گیا

روح میں صدیوں کا سناٹا بسا کر لے گیا

میں جو ارض شہر سے صحرا اٹھا کر لے گیا

ذہن کی الماریوں میں دھول سی اڑنے لگی

کوئی الفاظ و معانی سب چرا کر لے گیا

رہ گیا قائم پھر اس کی پاک بازی کا بھرم

پھر وہ اک شیطان سے خود کو بچا کر لے گیا

پہلے کی مانند لطف آبلہ پائی نہیں

کون میری راہ کے کانٹے اٹھا کر لے گیا

کوڑیوں کے مول طاہرؔ بک گئی جنس ہنر

مال مفلس ہر کوئی قیمت گھٹا کر لے گیا

barh ai gaon ko dariya baha kar le gaya

ek pyasa dusre pyase ko a kar le gaya

ruh mein sadiyon ka sannata basa kar le gaya

main jo arz-e-shahr se sahra utha kar le gaya

zehn ki almariyon mein dhul si urne lagi

koi alfaz-o-maani sab chura kar le gaya

rah gaya qaim phir us ki pak bazi ka bharam

phir wo ik shaitan se khud ko bacha kar le gaya

pahle ki manind-e-lutf-e-abla pai nahin

kaun meri rah ke kante utha kar le gaya

kauriyon ke mol tahir bik gai jins-e-hunar

mal muflis har koi qimat ghata kar le gaya