میرا مقصود نظر لوح مقدر میں نہیں

میرا مقصود نظر لوح مقدر میں نہیں

میں وہ موتی ڈھونڈھتا ہوں جو سمندر میں نہیں

بات کرنے کی بھی اب فرصت نہیں شاید اسے

میں نے جب آواز دی کہلا دیا گھر میں نہیں

کس طرح سے دھوئیے چہرے سے گرد ماہ و سال

اتنے آنسو بھی تو اپنے دیدۂ تر میں نہیں

جگمگا سکتی ہو جس سے خامشی کی ریگ دل

اتنی آب و تاب آوازوں کے خنجر میں نہیں

واہموں کے بھوت غم کے سائے سناٹے کے ناگ

کون سا آسیب اے طاہرؔ مرے گھر میں نہیں

mera maqsud-e-nazar lauh-e-muqaddar mein nahin

main wo moti dhundhta hun jo samundar mein nahin

bat karne ki bhi ab fursat nahin shayad use

main ne jab awaz di kahla diya ghar mein nahin

kis tarah se dhoiye chehre se gard-e-mah-o-sal

itne ansu bhi to apne dida-e-tar mein nahin

jagmaga sakti ho jis se khamushi ki reg dil

itni ab-o-tab awazon ke khanjar mein nahin

wahimon ke bhut gham ke sae sannate ke nag

kaun sa aseb ai tahir mire ghar mein nahin