آبلہ پائی ہوئی نہ زیست میں حائل کبھی

آبلہ پائی ہوئی نہ زیست میں حائل کبھی

پاؤں کب میرے تھکے گر ہو گئے گھائل کبھی

پر کشش ہے محفل دنیا بہت اپنی جگہ

پر مجھے یہ اپنی جانب کر سکی مائل کبھی

ہر عمل کا اجر ہے محفوظ اپنے رب کے پاس

کوئی بھی اچھا عمل جاتا نہیں زائل کبھی

چھا گئی مستی بدن میں اور دل پر اک سرور

ذہن میں جب بج اٹھی محبوب کی پائل کبھی

جھولیاں بھر دی گئیں رحمت سے رب کی دوستو

کب ہے خالی ہاتھ لوٹا کوئی بھی سائل کبھی

بات سچی ہے تو کہنے میں تکلف کیا تجھے

لوگ ہو ہی جائیں گے عاکفؔ ترے قائل کبھی

abla pai hui na zist mein hail kabhi

paon kab mere thake gar ho gae ghayal kabhi

pur kashish hai mahfil-e-duniya bahut apni jagah

par mujhe ye apni janib kar saki mail kabhi

har amal ka ajr hai mahfuz apne rab ke pas

koi bhi achchha amal jata nahin zail kabhi

chha gai masti badan mein aur dil par ik surur

zehn mein jab baj uthi mahbub ki pail kabhi

jholiyan bhar di gain rahmat se rab ki dosto

kab hai khali hath lauta koi bhi sail kabhi

bat sachchi hai to kahne mein takalluf kya tujhe

log ho hi jaenge akif tire qail kabhi