دل سمندر تھا لیکن یہ تشنہ لبی

دل سمندر تھا لیکن یہ تشنہ لبی

میری قسمت میں کس روز لکھی گئی

آنکھ پر نم مگر مسکراہٹ مری

کہہ رہی تھی کہانی مرے عشق کی

عشق کے سیل کو روکنے کے لیے

غم کی دیوار رستے میں رکھ دی گئی

ظلمتیں سہہ گیا میں اسی آس پر

چاند نکلا تو جائے گی تیرہ شبی

دل ربا شہر کے کچھ سے کچھ ہو گئے

میری منزل مسلسل وہی کی وہی

خار چبھتے گئے خار چنتا گیا

تھا پرستار گلزار عاکف غنیؔ

dil samundar tha lekin ye tishna labi

meri qismat mein kis roz likhi gai

ankh pur nam magar muskurahat miri

kah rahi thi kahani mire ishq ki

ishq ke sail ko rokne ke liye

gham ki diwar raste mein rakh di gai

zulmaten sah gaya main isi as par

chand nikla to jaegi tira shabi

dil ruba shahr ke kuchh se kuchh ho gae

meri manzil musalsal wahi ki wahi

khar chubhte gae khar chunta gaya

tha parastar gulzar akif ghani