ہر کام کا وقت مقرر ہے ہر کام کو وقت پہ ہونا ہے

ہر کام کا وقت مقرر ہے ہر کام کو وقت پہ ہونا ہے

کس بات کی آخر جلدی ہے کس بات کا پھر یہ رونا ہے

دنیا کے مصائب جھیلنے کو مالک نے بنایا ہے جیون

آرام بھلا پھر کاہے کا پھر کاہے یہ سونا ہے

بے مقصد جینا کہتے ہیں حیوان کے جیسا جینے کو

انساں کے لیے تو یہ جیون یارو پر خار بچھونا ہے

دشوار سہی رستہ لیکن چلنا ہے ہمیں منزل کی طرف

منزل کی طلب میں عاکفؔ جی کچھ پانا ہے کچھ کھونا ہے

har kam ka waqt muqarrar hai har kam ko waqt pe hona hai

kis bat ki akhir jaldi hai kis bat ka phir ye rona hai

duniya ke masaib jhelne ko malik ne banaya hai jiwan

aram bhala phir kahe ka phir kahe ye sona hai

be maqsad jina kahte hain haiwan ke jaisa jine ko

insan ke liye to ye jiwan yaro pur khar bichhauna hai

dushwar sahi rasta lekin chalna hai hamen manzil ki taraf

manzil ki talab mein akif ji kuchh pana hai kuchh khona hai