ہر اک ہزار میں بس پانچ سات ہیں ہم لوگ

ہر اک ہزار میں بس پانچ سات ہیں ہم لوگ

نصاب عشق پہ واجب زکوٰۃ ہیں ہم لوگ

دباؤ میں بھی جماعت کبھی نہیں بدلی

شروع دن سے محبت کے ساتھ ہیں ہم لوگ

جو سیکھنی ہو زبان سکوت بسم اللہ

خموشیوں کی مکمل لغات ہیں ہم لوگ

کہانیوں کے وہ کردار جو لکھے نہ گئے

خبر سے حذف شدہ واقعات ہیں ہم لوگ

یہ انتظار ہمیں دیکھ کر بنایا گیا

ظہور ہجر سے پہلے کی بات ہیں ہم لوگ

کسی کو راستہ دے دیں کسی کو پانی نہ دیں

کہیں پہ نیل کہیں پر فرات ہیں ہم لوگ

ہمیں جلا کے کوئی شب گزار سکتا ہے

سڑک پہ بکھرے ہوئے کاغذات ہیں ہم لوگ

har ik hazar mein bas panch sat hain ham log

nisab-e-ishq pe wajib zakwat hain ham log

dabao mein bhi jamaat kabhi nahin badli

shuru din se mohabbat ke sath hain ham log

jo sikhni ho zaban-e-sukut bism-e-allah

khamoshiyon ki mukammal lughat hain ham log

kahaniyon ke wo kirdar jo likhe na gae

khabar se hazf shuda waqiat hain ham log

ye intizar hamen dekh kar banaya gaya

zuhur hijr se pahle ki bat hain ham log

kisi ko rasta de den kisi ko pani na den

kahin pe nil kahin par furat hain ham log

hamen jala ke koi shab guzar sakta hai

sarak pe bikhre hue kaghazat hain ham log