میں برش چھوڑ چکا آخری تصویر کے بعد

میں برش چھوڑ چکا آخری تصویر کے بعد

مجھ سے کچھ بن نہیں پایا تری تصویر کے بعد

مشترک دوست بھی چھوٹے ہیں تجھے چھوڑنے پر

یعنی دیوار ہٹانی پڑی تصویر کے بعد

یار تصویر میں تنہا ہوں مگر لوگ ملے

کئی تصویر سے پہلے کئی تصویر کے بعد

دوسرا عشق میسر ہے مگر کرتا نہیں

کون دیکھے گا پرانی نئی تصویر کے بعد

بھیج دیتا ہوں مگر پہلے بتا دوں تجھ کو

مجھ سے ملتا نہیں کوئی مری تصویر کے بعد

خشک دیوار میں سیلن کا سبب کیا ہوگا

ایک عدد زنگ لگی کیل تھی تصویر کے بعد

main barash chhor chuka akhiri taswir ke baad

mujh se kuchh ban nahin paya tiri taswir ke baad

mushtarak dost bhi chhote hain tujhe chhorne par

yaani diwar hatani pari taswir ke baad

yar taswir mein tanha hun magar log mile

kai taswir se pahle kai taswir ke baad

dusra ishq muyassar hai magar karta nahin

kaun dekhega purani nai taswir ke baad

bhej deta hun magar pahle bata dun tujh ko

mujh se milta nahin koi miri taswir ke baad

khushk diwar mein silan ka sabab kya hoga

ek adad zang lagi kil thi taswir ke baad