یہ بات اب کے اسے بتانا نہیں پڑے گی

یہ بات اب کے اسے بتانا نہیں پڑے گی

جو وہ ملا تو میں خرچ کر دوں گا ایک پل میں

بدن کی خوشبو مجھے بچانا نہیں پڑے گی

تجھے بیاہوں تو دو قبیلے قریب ہوں گے

کسی کو بندوق بھی اٹھانا نہیں پڑے گی

میں اپنے لہجے کا ہاتھ تھامے نکل پڑا ہوں

کسی کو آواز بھی لگانا نہیں پڑے گی

میں اپنی ہر اک سیاہ بختی کو جانتا ہوں

زعیمؔ طوطے کو فال اٹھانا نہیں پڑے گی

ye bat ab ke use batana nahin paregi

jo wo mila to main kharch kar dunga ek pal mein

badan ki khushbu mujhe bachana nahin paregi

tujhe biyahon to do qabile qarib honge

kisi ko banduq bhi uthana nahin paregi

main apne lahje ka hath thame nikal para hun

kisi ko awaz bhi lagana nahin paregi

main apni har ik siyah bakhti ko janta hun

zaim tote ko fal uthana nahin paregi