راستوں میں ڈھیر ہو کر پھول سے پیکر گرے

راستوں میں ڈھیر ہو کر پھول سے پیکر گرے

برگ کتنے آندھیوں کے پاؤں میں آ کر گرے

اے جنوں کی ساعتو آمد بہاروں کی ہوئی

دیکھنا وہ شاخچوں سے تتلیوں کے پر گرے

تم نہ سن پائے صدا دل ٹوٹنے کی اور یہاں

شور وہ اٹھا زمیں پر جس طرح امبر گرے

کون جانے کتنی یادوں سے ہوا دل زخم زخم

چاندنی برسی کہ میری روح پر خنجر گرے

منتظر ہوں غم کے اس طوفان ابر و باد میں

کب گھٹا کا شور کم ہو کب ہوا تھک کر گرے

یوں ہوا ہوں جذب جعفرؔ وقت کے طوفان میں

تہہ میں گہرے پانیوں کی جس طرح کنکر گرے

raston mein dher ho kar phul se paikar gire

barg kitne andhiyon ke paon mein a kar gire

ai junun ki saato amad baharon ki hui

dekhna wo shakhchun se titliyon ke par gire

tum na sun pae sada dil tutne ki aur yahan

shor wo utha zamin par jis tarah ambar gire

kaun jane kitni yadon se hua dil zakhm zakhm

chandni barsi ke meri ruh par khanjar gire

muntazir hun gham ke is tufan abr-o-bad mein

kab ghata ka shor kam ho kab hua thak kar gire

yun hua hun jazb jaafar waqt ke tufan mein

tah mein gahre paniyon ki jis tarah kankar gire