دن دہکتی دھوپ نے مجھ کو جلایا دیر تک

دن دہکتی دھوپ نے مجھ کو جلایا دیر تک

رات تنہائی میں کالا ابر برسا دیر تک

تو یہ کہتا ہے کہ تو کل رات میرے ساتھ تھا

میں یہ کہتا ہوں کہ میں نے تجھ کو ڈھونڈا دیر تک

پاس رکھ کر اجلے اجلے دودھ سے یادوں کے جسم

دیر سے بیٹھا ہوں میں بیٹھا رہوں گا دیر تک

پہلے تیری چاہتوں کے غم تھے اب فرقت کے دکھ

مجھ پہ اب طاری رہے گا یہ بھی عرصہ دیر تک

کون ٹھہرے آنے والے موسموں کے سامنے

کون خالی رکھ سکے طاق تماشا دیر تک

اب وہ باتیں اب وہ قصے کس طرح جعفرؔ بھلائیں

ایسے صدموں کا اثر دل پر رہے گا دیر تک

din dahakti dhup ne mujh ko jalaya der tak

rat tanhai mein kala abr barsa der tak

to ye kahta hai ke tu kal rat mere sath tha

main ye kahta hun ke main ne tujh ko dhunda der tak

pas rakh kar ujle ujle dudh se yadon ke jism

der se baitha hun main baitha rahunga der tak

pahle teri chahaton ke gham the ab furqat ke dukh

mujh pe ab tari rahega ye bhi arsa der tak

kaun thahre ane wale mausamon ke samne

kaun khali rakh sake taq-e-tamasha der tak

ab wo baten ab wo qisse kis tarah jaafar bhulaen

aise sadmon ka asar dil par rahega der tak