بہ سطح آب کوئی عکس ناتواں نہ پڑا

بہ سطح آب کوئی عکس ناتواں نہ پڑا

ہوا گزر بھی گئی اور کہیں نشاں نہ پڑا

بڑے سکون سے دیکھا ہے جلتے لمحوں کو

ہماری آنکھ میں ورنہ دھواں کہاں نہ پڑا

کٹھن بھی ایسا نہ تھا میری تیری صلح کا کام

کوئی بھی شخص مرے تیرے درمیاں نہ پڑا

ہوئے ہیں خاک خموشی کے دشت میں کھو کر

ہمارے کان میں ہی شور کارواں نہ پڑا

بلا کی دھوپ ہے جعفرؔ کسی کو ہوش نہیں

پڑا ہے ابر کا سایا کہاں کہاں نہ پڑا

ba sath-e-ab koi aks natawan na para

hawa guzar bhi gai aur kahin nishan na para

bare sukun se dekha hai jalte lamhon ko

hamari ankh mein warna dhuan kahan na para

kathin bhi aisa na tha meri teri sulh ka kam

koi bhi shakhs mire tere darmiyan na para

hue hain khak khamoshi ke dasht mein kho kar

hamare kan mein hi shor-e-karwan na para

bala ki dhup hai jaafar kisi ko hosh nahin

para hai abr ka saya kahan kahan na para