ارض و سما پہ رنگ تھا کیسا اتر گیا

ارض و سما پہ رنگ تھا کیسا اتر گیا

آندھی چلی تو شام کا چہرہ اتر گیا

طوفاں کی زد نہ شور تلاطم مجھے بتاؤ

میں موج میں نہیں ہوں کہ دریا اتر گیا

کیا کیا رہی کنار محبت کی دھن مجھے

جن پانیوں میں اس نے اتارا اتر گیا

اک کشمکش میں اب ہیں سمندر پڑے ہوئے

صحرا کی تہہ میں پھر کوئی پیاسا اتر گیا

بکھرا پڑا ہے خاک پہ یوں چاندنی کا جسم

جیسے مری ہی روح میں تیشہ اتر گیا

جعفرؔ کبھی نہ یہ میرے وہم و گماں میں تھا

میں اور اس کے دھیان سے ایسا اتر گیا

arz-o-sama pe rang tha kaisa utar gaya

andhi chali to sham ka chehra utar gaya

tufan ki zad na shor talatum mujhe batao

main mauj mein nahin hun ke dariya utar gaya

kya kya rahi kanar-e-mohabbat ki dhun mujhe

jin paniyon mein us ne utara utar gaya

ik kashmakash mein ab hain samundar pare hue

sahra ki tah mein phir koi pyasa utar gaya

bikhra para hai khak pe yun chandni ka jism

jaise miri hi ruh mein tesha utar gaya

jaafar kabhi na ye mere wahm-o-guman mein tha

main aur us ke dhyan se aisa utar gaya