عکس جا بہ جا اپنی ذات کے گراتا ہے

عکس جا بہ جا اپنی ذات کے گراتا ہے

کون آسمانوں سے آئنے گراتا ہے

میں نے روپ دھارا ہے اس کی روح کا اور وہ

میرے نقش ہی میرے سامنے گراتا ہے

عمر بھر اٹھائے گا دکھ مرے بکھرنے کا

آنکھ کی بلندی سے کیوں مجھے گراتا ہے

شعلۂ محبت اور آب اشک اے ناداں

روشنی کو دریا میں کس لئے گراتا ہے

وہ ہوا کا جھونکا بھی میرا سخت دشمن ہے

شاخ سے جو پتے کو زور سے گراتا ہے

جذب کر نہ لے جعفرؔ سوچ لہر کی تجھ کو

تو کہاں سمندر میں کنکریں گراتا ہے

aks ja ba ja apni zat ke girata hai

kaun asmanon se aine girata hai

main ne rup dhara hai us ki ruh ka aur wo

mere naqsh hi mere samne girata hai

umr bhar uthaega dukh mire bikharne ka

ankh ki bulandi se kyun mujhe girata hai

shola-e-mohabbat aur ab-e-ashk ai nadan

raushni ko dariya mein kis liye girata hai

wo hawa ka jhonka bhi mera sakht dushman hai

shakh se jo patte ko zor se girata hai

jazb kar na le jaafar soch lahr ki tujh ko

tu kahan samundar mein kankaren girata hai