جان ایسے خوابوں سے کس طرح چھڑاؤں میں

جان ایسے خوابوں سے کس طرح چھڑاؤں میں

شہر سو گیا سارا اب کسے جگاؤں میں

پائمال سبزے پر دیکھ کر گرے پتے

اب زمین سے خود کو کس طرح اٹھاؤں میں

ان اکیلی راتوں میں ان اکیلے رستوں پر

کس کے ساتھ آؤں میں کس کے ساتھ جاؤں میں

ایک ہی سی تنہائی ایک ہی سا سناٹا

دشت کیا ہے دل کیا ہے کیا تجھے بتاؤں میں

دیکھ کیسے دن آئے دیکھ میں نہ کہتا تھا

تو قریب بھی آئے اور تجھے بلاؤں میں

آج سب میں گھل مل جاؤں مجھ کو کیا خبر کل تک

کس کو یاد آؤں میں کس کو بھول جاؤں میں

کتنے کام دنیا نے دے دیئے مجھے جعفرؔ

اشک غم گراؤں میں بار غم اٹھاؤں میں

jan aise khwabon se kis tarah chhuraun mein

shahr so gaya sara ab kise jagaun mein

paimal sabze par dekh kar gire patte

ab zamin se khud ko kis tarah uthaun mein

un akeli raton mein un akele raston par

kis ke sath aun main kis ke sath jaun main

ek hi si tanhai ek hi sa sannata

dasht kya hai dil kya hai kya tujhe bataun main

dekh kaise din ae dekh main na kahta tha

tu qarib bhi ae aur tujhe balaon mein

aj sab mein ghul mil jaun mujh ko kya khabar kal tak

kis ko yad aun main kis ko bhul jaun main

kitne kam duniya ne de diye mujhe jaafar

ashk-e-gham giraun mein bar-e-gham uthaun mein