پتہ ملا ہے وہ تھا میرا ہم سفر بہت دیر بعد جا کر

پتہ ملا ہے وہ تھا میرا ہم سفر بہت دیر بعد جا کر

کہاں کہاں سے ملی ہے مجھ کو خبر بہت دیر بعد جا کر

میں مدتوں سقف زندگی پر کھڑے کھڑے تم کو دیکھ آیا

یہ تم بھی کیا ہو کہ آئے مجھ کو نظر بہت دیر بعد جا کر

مری تمنا ہے اب کے تم پھر ملو تو جی بھر کے مسکرائیں

کہ دیکھنا ہے یہ روشنی کا سفر بہت دیر بعد جا کر

مجھے بتاؤ میں کیوں نہ اس اٹھتی دھول کے ساتھ بیٹھ جاؤں

مجھے خبر ہے وہ آئے گا بام پر بہت دیر بعد جا کر

خراب موسم میں ہر شجر سے لرزتے پتوں نے کیا کہا تھا

کہ پھول آنے لگے ہیں اب شاخ پر بہت دیر بعد جا کر

قیامتوں کی طرح گزاریں گے یہ مہ و سال ہجرتوں کے

تمام ہوگا جدائیوں کا سفر بہت دیر بعد جا کر

مری غزل میں جب آئے جعفرؔ نظر انہیں معرکے ہنر کے

ہوئے مرے معترف سب اہل نظر بہت دیر بعد جا کر

pata mila hai wo tha mera ham safar bahut der baad ja kar

kahan kahan se mili hai mujh ko khabar bahut der baad ja kar

main muddaton saqaf-e-zindagi par khare khare tum ko dekh aya

ye tum bhi kya ho ke ae mujh ko nazar bahut der baad ja kar

miri tamanna hai ab ke tum phir milo to ji bhar ke muskuraen

ke dekhna hai ye raushni ka safar bahut der baad ja kar

mujhe batao mein kyun na is uthti dhul ke sath baith jaun

mujhe khabar hai wo aega bam par bahut der baad ja kar

kharab mausam mein har shajar se larazte patton ne kya kaha tha

ke phul ane lage hain ab shakh par bahut der baad ja kar

qayamaton ki tarah guzarenge ye mah-o-sal hijraton ke

tamam hoga judaiyon ka safar bahut der baad ja kar

miri ghazal mein jab ae jaafar nazar unhen marke hunar ke

hue mire motarif sab ahl-e-nazar bahut der baad ja kar