جاہ و حشمت نہیں جلال نہیں

جاہ و حشمت نہیں جلال نہیں

پھر بھی چھیڑے کوئی مجال نہیں

عزت نفس سب کو پیاری ہے

فرد یا قوم کا سوال نہیں

ہاں وہ بے حد حسیں سہی لیکن

بزم عالم میں بے مثال نہیں

کیسے شکوے گلے کہ مدت سے

ہجر ہی ہجر ہے وصال نہیں

میری ہستی وجود رکھتی ہے

میں کسی ذہن کا خیال نہیں

اپنے ماضی پہ صرف ناز کرے

اتنا گزرا ہوا بھی حال نہیں

اپنے فن کے دکھائیے جوہرؔ

شعر کہنا کوئی کمال نہیں

jah-o-hashmat nahin jalal nahin

phir bhi chhere koi majal nahin

izzat-e-nafas sab ko pyari hai

fard ya qaum ka sawal nahin

han wo be had hasin sahi lekin

bazm-e-alam mein be misal nahin

kaise shikwe gale ke muddat se

hijr hi hijr hai wisal nahin

meri hasti wajud rakhti hai

main kisi zehn ka khayal nahin

apne mazi pe sirf-e-naz kare

itna guzra hua bhi hal nahin

apne fan ke dikhaiye jauhar

sher kahna koi kamal nahin