گریباں کو رفو کرنے لگے ہیں

گریباں کو رفو کرنے لگے ہیں

نوازش خوب رو کرنے لگے ہیں

قیامت ہے لب نازک سے اپنے

وہ شرح آرزو کرنے لگے ہیں

سر مقتل نہ جانے کس کا خوں ہے

فرشتے بھی وضو کرنے لگے ہیں

نہ جانے سوجھی کیا بیٹھے بٹھائے

تمہاری آرزو کرنے لگے ہیں

نگاہوں سے کبھی جو بولتے تھے

زباں سے گفتگو کرنے لگے ہیں

ازل سے گم ہے جو پردوں میں جوہرؔ

اسی کی جستجو کرنے لگے ہیں

gareban ko rafu karne lage hain

nawazish khub ru karne lage hain

qayamat hai lab-e-nazuk se apne

wo sharh-e-arzu karne lage hain

sar-e-maqtal na jane kis ka khun hai

farishte bhi wuzu karne lage hain

na jane sujhi kya baithe bithae

tumhari arzu karne lage hain

nigahon se kabhi jo bolte the

zaban se guftugu karne lage hain

azal se gum hai jo pardon mein jauhar

usi ki justuju karne lage hain