گزر گیا جو نظر سے نظر کا حصہ ہے

گزر گیا جو نظر سے نظر کا حصہ ہے

شجر سے اڑتا پرندہ شجر کا حصہ ہے

تمہارا درد اگر درد نارسائی ہے

تمہارا درد ہمارے جگر کا حصہ ہے

نہ وہ تمہارے یہاں ہے نہ وہ ہمارے یہاں

اداس چولہا کہو کس کے گھر کا حصہ ہے

جہاں کے لوگ خدا کے کرم پہ زندہ ہیں

علاقہ وہ بھی ہمارے نگر کا حصہ ہے

سفر سفر ہے سفر میں پڑاؤ کیا معنی

ترا وجود تری رہ گزر کا حصہ ہے

بنا رہے جو ہمیشہ وہ گھر بنا ہی نہیں

مکاں تمہارا تمہارے سفر کا حصہ ہے

guzar gaya jo nazar se nazar ka hissa hai

shajar se urta parinda shajar ka hissa hai

tumhara dard agar dard narasai hai

tumhara dard hamare jigar ka hissa hai

na wo tumhare yahan hai na wo hamare yahan

udas chulha kaho kis ke ghar ka hissa hai

jahan ke log khuda ke karam pe zinda hain

ilaqa wo bhi hamare nagar ka hissa hai

safar safar hai safar mein parao kya maani

tira wajud tiri rah guzar ka hissa hai

bana rahe jo hamesha wo ghar bana hi nahin

makan tumhara tumhare safar ka hissa hai