سر پہ دست ہوا ہے صدیوں سے

سر پہ دست ہوا ہے صدیوں سے

غیب کا آسرا ہے صدیوں سے

صرف دو پاؤں اور وسیع زمیں

یہ بھی اک معجزہ ہے صدیوں سے

ہے کم و بیش نیلگوں ہر شے

درد کا سلسلہ ہے صدیوں سے

جیسے پانی ہوا ہوا پانی

مجھ میں تو مبتلا ہے صدیوں سے

سننے والا ہو کوئی تو سن لے

عشق نغمہ سرا ہے صدیوں سے

sar pe dast hua hai sadiyon se

ghaib ka asra hai sadiyon se

sirf do paon aur wasi zamin

ye bhi ik mojiza hai sadiyon se

hai kam-o-besh nilgun har shai

dard ka silsila hai sadiyon se

jaise pani hua hua pani

mujh mein to mubtala hai sadiyon se

sunne wala ho koi to sun le

ishq naghma sara hai sadiyon se