چند الفاظ کچھ احوال بچا رکھے ہیں

چند الفاظ کچھ احوال بچا رکھے ہیں

ہم نے دو ایک ہی اعمال بچا رکھے ہیں

پہلے گاتے تھے بجاتے تھے ہواؤں کے مزاج

اب تو ٹوٹے ہوئے سر تال بچا رکھے ہیں

اڑ گئے حسن و جوانی کے پرندے کب کے

ہاں تصور میں خد و خال بچا رکھے ہیں

بیٹھا کرتا تھا کبھی آ کے جو طائر اس کے

اک دریچے نے پر و بال بچا رکھے ہیں

ایک نادیدہ صنم بھی ہے کہیں تیرے سوا

اس کی خاطر یہ مہ و سال بچا رکھے ہیں

chand alfaz kuchh ahwal bacha rakhe hain

ham ne do ek hi aamal bacha rakhe hain

pahle gate the bajate the hawaon ke mizaj

ab to tute hue sar tal bacha rakhe hain

ur gae husn-o-jawani ke parinde kab ke

han tasawwur mein khad-o-khal bacha rakhe hain

baitha karta tha kabhi a ke jo tair us ke

ik dariche ne par-o-bal bacha rakhe hain

ek nadida sanam bhi hai kahin tere siwa

us ki khatir ye mah-o-sal bacha rakhe hain