کسی زمیں سے کسی آسماں سے آتے ہیں

کسی زمیں سے کسی آسماں سے آتے ہیں

وہ چند لفظ دھڑکتے ہیں جو دلوں کی طرح

مری زبان میں تیری زباں سے آتے ہیں

چلے جو در سے ترے کھو گئیں سبھی سمتیں

بتائیں کیسے کہ اب ہم کہاں سے آتے ہیں

جہاں پہنچ کے نہ لوٹے کبھی فرشتے بھی

وہ خلد ہو کہ نہ ہو ہم وہاں سے آتے ہیں

وہ ہم سفر کہ جو رہتے ہیں آخری دم تک

بہت پرانی کسی داستاں سے آتے ہیں

kisi zamin se kisi asman se ate hain

wo chand lafz dharakte hain jo dilon ki tarah

miri zaban mein teri zaban se ate hain

chale jo dar se tire kho gain sabhi samten

bataen kaise ke ab ham kahan se ate hain

jahan pahunch ke na laute kabhi farishte bhi

wo khuld ho ke na ho ham wahan se ate hain

wo ham safar ke jo rahte hain akhiri dam tak

bahut purani kisi dastan se ate hain