Arooz is now on the App Store, for iPhone and iPad. Download →

All poetry

جہاں چھو کے دیکھوں وہیں پر خلا ہے

Om Prabhakar (b. 1941)

جہاں چھو کے دیکھوں وہیں پر خلا ہے

ہوا میں ہوا کے سوا اور کیا ہے

ترے بعد یہ حال ہے شہر دل کا

نہ بارش نہ طوفاں نہ باد صبا ہے

لکھا ہے جو نظروں نے لوح نظر پر

وہ دل کے سوا اور کس نے پڑھا ہے

دھنسکنے لگا ہے وہ کمرہ کہ جس میں

پرندوں کا چھوڑا ہوا گھونسلہ ہے

کھلا ہے کہیں اک دریچہ ابھی بھی

کہ جس میں کوئی خوب صورت کھڑا ہے

مرا درد میرا ہے اس کا اسی کا

تو کیوں غم گساری کا یہ سلسلہ ہے