ہماری خلوتوں کی دھن در و دیوار سنتے ہیں

ہماری خلوتوں کی دھن در و دیوار سنتے ہیں

چمن کے رنگ و بو کی بندشوں کو خار سنتے ہیں

ہوا سرگوشیاں کرتی ہے جو چڑیوں کے کانوں میں

اسے اڑتے ہوئے رنگین گل پر دار سنتے ہیں

ہوائیں حادثوں کے جو اشارے لے کے آتی ہیں

انہیں ہم انسنا کر دیں مگر اشجار سنتے ہیں

سبھی سنتے ہیں گھر میں صرف اپنی اپنی دلچسپی

دھنسکتے بام و در کی سسکیاں معمار سنتے ہیں

زباں جو دل میں رہتی ہے کبھی لب پر نہیں آتی

اسے کوئی نہیں سنتا مگر فن کار سنتے ہیں

hamari khalwaton ki dhun dar-o-diwar sunte hain

chaman ke rang-o-bu ki bandishon ko khar sunte hain

hawa sargoshiyan karti hai jo chiriyon ke kanon mein

use urte hue rangin gul par dar sunte hain

hawaen hadson ke jo ishare le ke ati hain

unhen ham ansuna kar den magar ashjar sunte hain

sabhi sunte hain ghar mein sirf apni apni dilchaspi

dhunsakte bam-o-dar ki siskiyan memar sunte hain

zaban jo dil mein rahti hai kabhi lab par nahin ati

use koi nahin sunta magar fan kar sunte hain