کوئی شکوہ کوئی گلہ رکھیے

کوئی شکوہ کوئی گلہ رکھیے

کچھ نہ کچھ جاری سلسلہ رکھیے

مسئلے زندگی کے اپنی جگہ

فصل گل کا بھی کچھ پتا رکھیے

چند لمحے چھپا کے لوگوں سے

خود کو خود میں بھی مبتلا رکھیے

سب کو اپنائیے مگر خود سے

خود کا تھوڑا سا فاصلہ رکھیے

جسم دے دیجئے زمانے کو

یاد سے صرف دل ملا رکھیے

koi shikwa koi gila rakhiye

kuchh na kuchh jari silsila rakhiye

masale zindagi ke apni jagah

fasl-e-gul ka bhi kuchh pata rakhiye

chand lamhe chhupa ke logon se

khud ko khud mein bhi mubtala rakhiye

sab ko apnaiye magar khud se

khud ka thora sa fasla rakhiye

jism de dijiye zamane ko

yad se sirf-e-dil mila rakhiye