یادوں کی راکھ میں ہر لمحہ دھواں دھواں ہے

یادوں کی راکھ میں ہر لمحہ دھواں دھواں ہے

ہونٹوں پہ بکھرا ہر اک نغمہ دھواں دھواں ہے

ماضی کی آگ میں جل کے عمر گزری ساری

اب بجھ گئی ہوں تو یہ چہرہ دھواں دھواں ہے

انسانیت کی لو بجھتی ہے گلی گلی میں

اور شہر بھر میں ہر اک رستہ دھواں دھواں ہے

تنہائی کی ہوا سے اک شمع ہاری کل شب

کمرے کا میرے کونا کونا دھواں دھواں ہے

تو روٹھ کر نہ میرے دل کو جلا مرے یار

لگ جا گلے کہ دل کا شعلہ دھواں دھواں ہے

دنیا کی دھوپ میں جانے کب سے ہی جھلس کر

میرے وجود کا ہر ذرہ دھواں دھواں ہے

اک ٹھہری ٹھہری سی خواہش کی تپش سے وانیؔ

نم آنکھوں کا یہ گیلا صحرا دھواں دھواں ہے

yadon ki rakh mein har lamha dhuan dhuan hai

honton pe bikhra har ik naghma dhuan dhuan hai

mazi ki ag mein jal ke umr guzri sari

ab bujh gai hun to ye chehra dhuan dhuan hai

insaniyat ki lau bujhti hai gali gali mein

aur shahr bhar mein har ik rasta dhuan dhuan hai

tanhai ki hawa se ik shama hari kal shab

kamre ka mere kona kona dhuan dhuan hai

tu ruth kar na mere dil ko jala mire yar

lag ja gale ke dil ka shola dhuan dhuan hai

duniya ki dhup mein jane kab se hi jhulas kar

mere wajud ka har zarra dhuan dhuan hai

ik thahri thahri si khwahish ki tapish se wani

nam ankhon ka ye gila sahra dhuan dhuan hai