کل سماعت دکھی صدا کو دوں

کل سماعت دکھی صدا کو دوں

جسم دھرتی کو جاں ہوا کو دوں

اپنی ساری متاع عقل و خرد

روٹھنے کی تری ادا کو دوں

کل عناصر الگ الگ کر کے

کچھ تجھے اور کچھ خدا کو دوں

اک دھنک ہے مری نگاہوں میں

تیری زلفوں کو یا گھٹا کو دوں

دیکھوں کتنا لہو ٹپکتا ہے

اب کے خنجر کف وفا کو دوں

kal samaat dukhi sada ko dun

jism dharti ko jan hawa ko dun

apni sari mata-e-aql-o-khirad

ruthne ki tiri ada ko dun

kal anasir alag alag kar ke

kuchh tujhe aur kuchh khuda ko dun

ik dhanak hai miri nigahon mein

teri zulfon ko ya ghata ko dun

dekhun kitna lahu tapakta hai

ab ke khanjar kaf-e-wafa ko dun