یاد رکھنے سے بھول جانے سے

یاد رکھنے سے بھول جانے سے

کٹ گئے دن کسی بہانے سے

میں سراپا ہوا دھنک صورت

تیرے کچھ کچھ قریب آنے سے

گھر میں بھوچال آ گیا ہوتا

صرف دروازہ کھٹکھٹانے سے

اب تو اتنا ہی یاد آتا ہے

کوئی شکوہ سا تھا زمانے سے

کل بغیچہ ہی بن گیا نغمہ

ایک پنچھی کے چہچہانے سے

yad rakhne se bhul jane se

kat gae din kisi bahane se

main sarapa hua dhanak surat

tere kuchh kuchh qarib ane se

ghar mein bhuchal a gaya hota

sirf darwaza khatkhatane se

ab to itna hi yad ata hai

koi shikwa sa tha zamane se

kal baghecha hi ban gaya naghma

ek panchhi ke chahchahane se