میرے پیروں تلے جو دھرتی ہے

میرے پیروں تلے جو دھرتی ہے

میرے ہاتھوں ہی وہ بکھرتی ہے

میں ہی دریا کی شکل بہتا ہوں

اور مچھلی مجھی میں مرتی ہے

ایک سورج ہے میرے سینے میں

چاندنی جس کے پر کترتی ہے

کوئی بے نیند رات چپکے سے

شانۂ شام پر اترتی ہے

جیسے جیسے وہ ہاتھ دھوتی ہے

ویسے ویسے حنا نکھرتی ہے

mere pairon tale jo dharti hai

mere hathon hi wo bikharti hai

main hi dariya ki shakl bahta hun

aur machhli mujhi mein marti hai

ek suraj hai mere sine mein

chandni jis ke par katarti hai

koi be nind rat chupke se

shana-e-sham par utarti hai

jaise jaise wo hath dhoti hai

waise waise hina nikharti hai