سب ہیں سو میں بھی اس سفر میں ہوں

سب ہیں سو میں بھی اس سفر میں ہوں

دن میں گردش میں رات گھر میں ہوں

گو کہ دیکھا نہیں وہ دہشت گرد

شام کو خوف شب خطر میں ہوں

کر نہیں پاتا کوئی اچھا کام

جانے کس کی بری نظر میں ہوں

منہ سے سچ بات کم نکلتی ہے

کسی آسیب کے اثر میں ہوں

دھیرے دھیرے دھسک رہا ہوں میں

تھوڑا دیوار تھوڑا در میں ہوں

sab hain so main bhi is safar mein hun

din mein gardish mein rat ghar mein hun

go ke dekha nahin wo dahshat gard

sham ko khauf shab khatar mein hun

kar nahin pata koi achchha kam

jane kis ki buri nazar mein hun

munh se sach bat kam nikalti hai

kisi aseb ke asar mein hun

dhire dhire dhasuk raha hun main

thora diwar thora dar mein hun